Papst Paul VI. | |
---|---|
![]() vom Paul VI. |
![]() |
Latiinische Name | Paulus PP. VI |
Aafang vom Pontifikat | 21. Juni 1963 |
Ändi vom Pontifikat | 6. August 1978 |
Lengi vom Pontifikat | 15 Johr und 46 Däg |
Vorgänger | Johannes XXIII. |
Nochfolger | Johannes Paul I. |
Enzyklike | 7 |
Bürgerlige Name | Giovanni Battista Montini |
Geburtsdatum | 26. September 1897 |
Geburtsort | Concesio, Italien |
Dodesdatum | 6. August 1978 |
Dodesort | Castel Gandolfo |
Dr Pabst Paul VI. (mit bürgerligem Name Giovanni Battista Enrico Antonio Maria Montini) (* 26. Septämber 1897 z Concesio bi Brescia; † 6. August 1978 im päbstlige Summersitz Castel Gandolfo) isch vo 1963 bis 1978 noch dr Zelig vo dr katholische Chille dr 261. Pabst in dr Gschicht vo dr katholische Chille gsi.
Wäge siiner brägende Rolle für e Verlauf vom Zweite Vatikanische Konzil und dr Umsetzig vo ihre Entscheidige dänke e Hufe vo ihm as dr eigentligi „Konzilspabst“. Wohrschiinlig het kei einzige andere Pabst je e so umfassendi chirchligi Gsetzgäbig duregsetzt, wenn au die vollständigi Neufassig vom nochkonziliare Gsetzbuech (Codex Iuris Canonici) erst 1983 publiziert worden isch.
Dr Paul VI. het uf vili draditionelli Statussymbol wie dr Baldachin, dr Pfauewädel, d Dronassistänte oder d Nobelgarde verzichdet, aber er het si als letschte Pabst no lo mit der Tiara chrööne. Er het au dr Mensch und siini Broblem ärnstgnoh und zelt dorum zu de modärnere Päbst im 20. Jahrhundert. Dr Bapst Franziskus het de Paul VI. am 19. Oktober 2014 seliggsproche.[1] Si Gedänktag in dr Liturgi isch dr 26. September.[2] Am 14. Oktober 2018 isch er häiliggsproche worde.[3]